ماسك الموز والعسل من تجربتي الشخصية
الماسك دة بقي هو الماسك المفضل عندي وهو الماسك اللي مسؤول عن إعادة الحيوية للشعر
الشعر اللي فقد حيويته من الصبغة ومن الفرد ومن الجرايم اللي بنرتكبها في حق شعرنا
الماسك دة بقي هيحاول يحارب التلف الناتج عن أي حاجة من دي
والطريقة سهلة اوي يعني مش محتاجة لشرح كتير
انتي هتهرسي موزة لو كان شعرك قصير وموزتين لو كان شعرك طويل
وبعد ما تهرسي الموز كويس ضيفي عليه معلقة كبيرة من العسل الاصلي
وحوطي الخلطة دي علي فروة شعرك ووزعيها كويس علي الفروة
وسيبي الخليط علي فروة شعرك لمدة نصف ساعة وبعد كدة اغسلي شعرك بشامبو خفيف
يعني يفضل يكون شامبو طبي أو شامبو اطفال
والخلطة دي هتتكرر كل اسبوع لمدة تلاتة شهور يعني أكنك ماشية علي كورس علاج
بس دة كورس بقي مش مكلف انما لو روحتي عند دكتور جلدية هيمشيكي علي كورس
تلت شهور برضه
بس طبعا علاجات غالية اوي
شعري غليظ وحريري من تجربتي والله العظيم
خلطة من خلطاتي
شعري غليظ وحريري من تجربتي والله العظيم
- تجربتي مع تسريح الشعر
- تجربتي مع شعر كثيف
- والله العظيم أسرع خلطة لتطويل الشعر
- والله العظيم شعري طول
