وصفة الموز وزيت الزيتون لإصلاح الشعر التالف
الموز يوجد به أحماض دهنية اللي بتعمل علي ترطيب الشعر بعمق وبتحافظ علي نسبة الرطوبة
اللي موجودة في الشعر
والموز كمان فيه نسبة عالية جدا من البوتاسيم اللي بيعمل علي توازن الرطوبة في الشعر
أيضا
وطريقة وضع الموز علي الشعر
انك بتخلطي حبة من الموز أو حبتين دة بقي انتي بتكرري حسب طول شعرك
مع معلقتين من زيت الزيتون
وبتخلطي كويس اوي الموز مع الزيت لحد ما يبقي عندك قوام كريمي
وبتحطي القوام علي شعرك لمدة ربع ساعة وبعد كدة اغسلي شعرك بالشامبو
ثانيا ماسك البيض والمايونيز لفرد وتنعيم الشعر
طبعا احنا عارفين أن ساعات العوامل الخارجية للجو بتعمل علي إتلاف الشعر
وكمان استخدام الصبغة والمكواه كل دي اشياء بتاثر علي الشعر وبتعمل علي تجعيده
ماسك البيض والمايونيز بيعمل علي علاج تجعيد الشعر وليه فاعلية كبيرة في تنعيم الشعر
والطريقة هي انك هتخلطي صفار ٢ بيضة مع معلقة كبيرة من المايونيز
وتحطي الخليط علي شعرك والاحسن أن يكون شعرك رطب
وبعد ما تحطي كل الخليط علي شعرك
غطيه لمدة ربع ساعة واغسلي شعرك عادي بعدها
وصفه تجعل الشعر ناعم براق وتعالج التقصف والجفاف
وصفة لمشاكل الشعر
وصفات تجعل الشعر ناعم براق وتعالج التقصف والجفاف
