يعتبر البيض من الماسكات الطبيعية اللي بيستعملوها الهنود لشعرهم
وطبعا شعر الهنود يعني لا يعلي عليه كلنا عارفين انهم من احلي شعور في العالم
لان البيض يعتبر من الماسكات الطبيعية اللي بتحافظ علي الشعر من التلف ومن التقصف
وكمان بيغذي الشعر وبيعطي الشعر نضارة وحيوية
وطريقة عمل الماسك للشعر سهلة اوي
انتي بتخفقي عدد بيضين كويس اوي وبعد ما بتخفقيهم بتحوطي البيض علي شعرك وعلي فروة
شعرك
قبل الاستحمام بحوالي نصف ساعة
وخلي البيض علي شعرك يعمل مفعوله نص ساعة
وبعد كدة اغسلي شعرك بالشامبو عشان تتخلصي من رائحة البيض في شعرك
وممكن كمان تضيفي علي البيت معلقة من زيت اللوز أو معلقة من الحليب
دة هيزود فاعليته اكتر كمان وهيخلي شعرك حرير زي الهنود بالضبط
والاحسن أن الماسك دة يكون علي شعر نضيف يعني ميكونش مدهون ولا كريم ولا زيت
يعني الشعر عامل زي البشرة انتي مثلا لما بتعملي ماسك لبشرتك بتكون مغسولة ونضيفة