الزبادي زي ما هي مفيدة للبشرة وزي ما هي بتنعم البشرة ف هي كمان ليها
قدرة رهيبة في تنعيم الشعر
وانا عن نفسي بفضل جدا الزبادي علي شعري يعني انا بحب اوي كل اسبوعين او
تلاتة اعمل ماسك الزبادي علي شعري
وماسك الزبادي انا لما بعمله بحس أن التقصيف قل جدا في شعري بحس أن شعري
بقي ملمسه افضل
وساعات كمان بعمله كل اسبوع عادي مش هيضر بالعكس
الزبادي آمنة وطبيعية للشعر ولو استبدلتيها بحمام الكريم هتبقي افيد كتير للشعر
علي الأقل انتي مش عارفة حمام الكريم دة فيه كيماويات ولا لا
انما الزبادي معروف انها طبيعية
وانا هقولكم علي طريقتي في عمل ماسك الزبادي
اولا انا شعري طويل ف بشتري علبتين زبادي وبحط عليهم معلقة عسل وعليهم معلقة زيت
زيتون
وبخلط التلاتة مع بعض كويس
وبعد كدة بحط الخليط علي شعري وبحوط عليه قبعة استحمام لمدة ساعة كاملة
وبعد كدة بغسل شعري بشامبو وبعد كدة بلسم
خلطة تنعم الشعر في نصف ساعة
الزبادي لشعر حرير
خلطات تنعم الشعر في نصف ساعة
